XORÉ TEATRO

A compañia Xoré Teatro créase en novembro de 2013, como culminación do traballo desenvolvido dende o ano 2008 en temas relacionados coa intervención educativa e social con diferentes colectivos. Durante este tempo leváronse a cabo actividades formativas teatrais orientadas a potenciar os procesos de ensinanza/aprendizaxe. A experiencia neste ámbito e a capacitación profesional, leváronnos a apostar polo teatro para elaborar e difundir mensaxes educativas como mecanismo para a transformación persoal e social.
O noso obxectivo é facer un teatro accesible para todas as persoas, apostamos por un enfoque pedagóxico e de crítica social.
Creamos, producimos e distribuímos as nosas obras co obxecto de garantir a súa esencia educativa até a representación final.
As creacións escénicas representadas foron as seguintes:

“A vida mesma: a noite e o día” (2010)
“Xulia e Os Pérez” (2010)
“O Soño de Mía” (2011)
“Tormentos nunha noite, recordos dunha vida” (2011)
“A Procura dos Sentidos” (2012)
“Avós nunca é tarde” (2012)
“O Segredo de Uxía” (2013)
“Pensamentos de Flor” (2014)
“Pementeiras” (2015)
“As tres con Puri” (2016)
“O soño dos contos” (2016)